嵌入式煮食爐選購指南

一個可靠高效的煮食爐是您最佳烹飪的幫手，坊間嵌入式煮食爐款式眾多，究竟揀那款合適自己？這篇文章我們會為您提供選購煮食爐的小貼士。

嵌入式煮食爐電器類種

煤氣爐/ 石油氣爐 （明火）

氣體煮食爐主要分為煤氣爐同石油氣爐兩款。兩種能源，其實原理也是一樣。分別在於樓宇設計。一般舊式大廈都會使用石油氣；新式大廈則使用煤氣。明火煮食優點是「夠鑊氣」，火力一般較大，煮出嚟嘅嘢食較有鑊氣，不過清潔比較麻煩。

電磁爐

IC (Induction Cooker, 或日本稱IH) 電磁爐係通過磁場感應發熱，近年比較興起的煮食爐，實用又便利，好多客戶喜愛。電磁爐比起氣體煮食爐最大嘅好處就係熱力直接傳到鍋具，減少熱力流失，可以慳高達七成嘅能源費用，同時清潔比較簡單。此外，因為無需空氣燃燒，開爐嗰時唔會有毒廢氣或碳微粒。不過必須留意電磁爐會產生電磁輻射，小朋友、孕婦及使用心臟起搏器嘅人士就要慎用電磁爐。

電陶爐

電陶爐原理是鎳鉻金屬發熱體，將電熱能轉變為紅外線，直接在爐面加熱，因此不像電磁爐要選取鐵廚具才能啟動。一般瓷砂鍋等亦能使用，值得注意是由於爐面直接加溫，誤碰會有受傷危險。同時電陶爐火力大，同明火煮食沒有大分別，而且電陶爐唔會產生輻射，不過傳熱效率唔夠電磁爐高，所以用電量較大。價錢比起電磁爐貴少少。

選擇嵌入式煮食爐的基本考慮因素

火力

一個煮食爐火力有幾大可以了解產品嘅最大輸出功率(以千瓦時 kw/h 為單位)。

煤氣爐一般功率可以去到6千瓦火力，但相同款式接駁石油氣就會得4.5千瓦火力，所以要記得唔好搞亂呀。

電爐嘅煮食區可以有2至3個唔同嘅功率火力。以高低功率煮食區互相配合幫助你處理唔同菜式。一般巧率範圍係較經濟的1.2千瓦時至快速加熱的2.4千瓦時都有。而一些最強火力的感應區範圍則可以高達3千瓦時甚至更高。

爐頭數目

一般情況2個爐頭已經夠用，按個別情況可自行選購多爐頭的煮食爐。要考慮廚房大小再決定爐頭數目。

保險裝置

不論是氣體煮食爐抑或是電磁爐，必須具備保險裝置，煮食本身是要用明火與發熱，都存在一定安全問題，故此購買嵌入式煮食爐必須注意。

兒童鎖

小朋友好奇心旺盛，「玩火」最為危險，因此購買嵌入式煮食爐前要留意產品有否具備安全鎖，提防小朋友亂玩，造成意外

尺寸

相比下電器的體積尺寸比較固定， 設計師與可考慮電器實質大小去再設計廚房擺位。故此要有「設計遷就電器」的概念。當你買齊廚房中的嵌入式電器，設計師就能輕鬆地考量散熱、線路及擺位的問題。